Resultados de procura - West, Jerry

Jerry West

Jerome "Jerry" Alan West, nado en Chelyan (Virxinia Occidental) o 28 de maio de 1938 e finado nos Ánxeles o 12 de xuño de 2024, foi un xogador de baloncesto estadounidense, que destacou nas décadas de 1960 e 1970 en Los Angeles Lakers. Logrou grandes éxitos, ademais, como adestrador e como executivo na NBA. Foi incluído no Salón da Fama en 1980, e a súa silueta foi a elixida para dar forma ao logotipo da NBA.

West liderou á Universidade de West Virginia ao campionato da NCAA en 1959, sendo nomeado MVP da final, antes de xogar durante catorce tempadas nos Lakers, gañando un campionato da NBA en 1972. Xunto con Oscar Robertson gañou a medalla de ouro nos Xogos Olímpicos de Roma de 1960. Os seus alcumes eran ''"Mr. Clutch"'', pola súa habilidade e destreza nos momentos finais dos partidos, e ''"Zeke from Cabin Creek"'', dado polo seu compañeiro Elgin Baylor. proporcionado por Wikipedia