Resultados de procura - Thompson, Jim 1906-1977

Jim Thompson

James Myers Thompson, nado en Anadarko (Oklahoma) o 27 de setembro de 1906 e finado nos Ánxeles (California) o 7 de abril de 1977, foi un escritor e guionista estadounidense, coñecido polas súas novelas negras de estilo ''pulp''.

Malia que publicou máis de 30 novelas, a maioría en publicacións menores entre finais da década de 1940 e mediados de 1950, acadou sona despois de varias críticas positivas de Anthony Boucher no ''New York Times''. O seu recoñecemento, con todo, non chegaría até que a finais da década de 1980 as súas obras foron reeditadas na colección ''Black Lizard''. As súas obras máis famosas son ''O asasino que hai en min'', ''Savage Night'', ''A Hell of a Woman'' e ''Pob. 1280''. Algunhas delas foron levadas ao cine, como ''The Getaway'' ou ''The Grifters''.

A súa obra é, en certa medida, autobiográfica, ou polo menos baseada nas súas vivencias. proporcionado por Wikipedia