Resultados de procura - Suzuki, David

David Suzuki

David Suzuki, nado en Vancouver, Canadá, o 24 de marzo de 1936, é un académico canadense de orixe xaponesa, locutor, científico e activista do medio ambiente. Suzuki obtivo un doutoramento en zooloxía da Universidade de Chicago en 1961 e foi profesor no departamento de xenética da Universidade de British Columbia desde 1963 até a súa xubilación en 2001. Desde mediados de 1970, Suzuki é coñecido polas súas series de televisión e radio e os seus libros acerca da natureza e o medio ambiente. Tamén participa nun programa televisivo de divulgación científica na cadea CBC Television, ''A Natureza das Cousas'', emitido en máis de corenta nacións. Tamén é ben coñecido por criticar aos gobernos pola súa falta de acción para protexer o medio ambiente.

Activista desde hai moito tempo para reverter o cambio climático global, Suzuki foi cofundador da Fundación David Suzuki en 1990. Tamén traballou como director da Asociación Canadense de Liberdades Civís desde 1982 até 1987.

É o pai de Severn Cullis-Suzuki (1979), famosa polo seu activismo ambiental desde a idade dos 12 anos.

Suzuki foi galardoado co premio Right Livelihood Award en 2009. proporcionado por Wikipedia