Canlyniadau Chwilio - Sánchez, Florencio 1875-1910

Florencio Sánchez

Dramodydd a newyddiadurwr o Wrwgwái yn yr iaith Sbaeneg oedd Florencio Sánchez (17 Ionawr 1875 – 7 Tachwedd 1910). Roedd yn un o aelodau ''La Generación del 900''.

Ganwyd ym Montevideo a chafodd ei fagu yng nghefn gwlad. Gweithiodd fel clerc tra'n ysgrifennu beirniadaeth theatr ac erthyglau eraill ar gyfer papurau newydd lleol. Bu hefyd yn actio yn y theatr amatur. Brwydrodd wrth ochr y ''caudillo'' Aparicio Saravia yn erbyn yr Arlywydd Juan Idiarte Borda, ac ysgrifennodd y llyfr ''El caudillaje criminal en Sudamérica'' (1903) am ei brofiad. Trodd Sánchez at y mudiad anarchaidd, a pherfformiwyd ei ddramâu cynnar mewn canolfannau hamdden yr anarchwyr.

Gweithiodd i bapurau newydd, gan gynnwys ''La República'' yn Rosario, yr Ariannin. Ei lwyddiant mawr cyntaf oedd y ddrama ''El canillita'' (1904). Teithiodd i gefn gwlad yr Ariannin, a'i brofiadau yno a ysbrydolodd ''La gringa'' (1904), ''M'hijo el dotor'' (1903), a ''Barranca abajo'' (1905). Symudodd Sánchez i Buenos Aires.

Aeth i'r Eidal gyda chymorth ariannol llywodraeth Wrwgwái i ymweld â theatrau'r wlad. Bu farw ym Milan yn 35 oed. Darparwyd gan Wikipedia