Bilaketaren emaitzak - Rorschach, Hermann 1884-1922

Hermann Rorschach

Hermann Rorschach (Zürich, 1884ko azaroaren 8a - Herisau, 1922ko apirilaren 2a) suitzar psikiatra eta psikoanalista izan zen.

Haurtzaroa eta gaztaroa Schaffhausenen igaro zituen. 1904an geologia eta botanika ikasketak egin zituen Neuchâtelgo Akademian. Hurrengo urtean Züricheko Unibertsitatean sartu zen medikuntza ikasteko. Errusiera ere ikasi zuen eta liluratuta geratu zen errusiar kulturarekin.

Ospitale mental batean egin zuen lan eta Eugen Bleuler psikiatrak zuzendutako doktore tesia amaitu zuen 1912an. 1913an Errusiara joan zen eta hainbat metodo psikiatriko ikasi zituen. 1915ean Herisauko Eskualdeko Ospitale Psikiatrikoko zuzendari laguntzailea izan zen.

1921ean ''Psychodiagnostik'' liburua idatzi zuen. Liburu honetan Rorschachen testaren ideia garatu zuen. Tinta-orbanak aztertuz, nortasuna eta desordena psikotikoak eta neurologikoak identifikatzeko aukera ematen du.

thumb|Rorschach testaren tinta-orbana Wikipediatik informazioa lortu