Resultados de procura - Rodríguez, Emilio.

Emilio Rodríguez

Emilio Rodríguez Barros, nado o 28 de novembro de 1923 en Ponteareas e finado o 20 de febreiro de 1984, foi un ciclista galego.

Pertencente a unha familia de tradición ciclista con catro profesionais (el e mais os seus irmáns Delio Rodríguez, Manuel Rodríguez Barros e Pastor Rodríguez Barros, ademais da tamén competidora Aurita Rodríguez), empezou a súa carreira como profesional a mediados dos anos corenta. En 1946 consegue o seu primeiro título vencendo na Volta a Galicia e quedando de oitavo na Vuelta a España. O seu maior éxito foi conseguir a vitoria da Vuelta de 1950, onde ademais gañou cinco tiradas e o mailló da montaña, que xa obtivera en 1946 e 1947. Só participou unha vez no Tour de Francia, en 1954, cando xa a súa carreira como ciclista estaba rematando, e rematou de 43º. Ese mesmo ano obtiña o campionato de España de ciclismo en estrada. proporcionado por Wikipedia