Resultados de procura - Ramakrishna 1836-1886

Ramakrishna

Ramakrishna, nado como Gadadhar Chattopadhyay o 18 de febreiro do 1836 e finado o 16 de agosto do 1886, foi un afamado místico indio do século XIX. A súa escola de pensamento relixioso levou á formación da Ramakrishna Mission polo seu principal discípulo, Swami Vivekananda. Moitos dos seus devotos referíanse a el como "Paramahansa" ("o gran cisne", título que outorgan, na tradición hindú, a aquelas persoas que se considera que acadaron a liberación ou ''Moksa''), deste xeito comezou a ser coñecido como Ramkrishna Paramhamsa.

Ramakrishna naceu nunha familia ''Brahmin'' de escasos recursos na Bengala rural. Converteuse, xa de novo, en sacerdote do templo de Dakshineswar adicado á deusa Kali. A máis coñecida entre os seus primeiros mestres espirituais foi unha ascética da tradición Tantra e da devoción (bhakti) Vaishnava. Máis tarde outro asceta da tradición Advaita Vedanta aprendeulle meditación non-dual e, de acordo con Ramakrishna, experimentou un ''nirvikalpa samadhi'' baixo a súa guía. Ramakrishna tamén se aproximou a outras relixións, sobre todo ao islam e ao cristianismo, e dixo que todas conducían ao mesmo deus. proporcionado por Wikipedia