Bilaketaren emaitzak - Ovidio

Publio Ovidio

Publio Ovidio Nason, askotan Ovidio izenez aipatua (Sulmona, K.a. 43ko martxoaren 20a - Tomis, Eszitia Txikia, K. o. 17 edo 18an) Antzinako Erromako olerkaria izan zen.

Zaldun (''Equites'') sendi batean jaio zen, eta ez zituen guda zibilaren ankerkeriak ezagutu. Lehenik, erretorika ikasketei lotu zitzaien, baina, gero, literaturara lotu zitzaion. Bere bizitzan, ospe handia lortu zuen. Augusto enperadorearekin eztabaida bat zela eta, Itsaso Beltzera erbesteratu, eta bertan hil zen.

Bere lanik ezagunenak ''Ars amatoria'' (Maitasun ikasbidea) eta ''Metamorphoseon'' (Metamorfosiak) dira, biak bertsotan; bigarrenak greziar mundutik etorritako kontakizun mitologikoak biltzen ditu, bere garaiko latin kulturara egokituak. Ospe pixka bat izan zuten, halaber, ''Heroides'' (Heroideak), maitale handien gutunak, eta, ''Tristia'', bere erbestea deitoratzen duen elegiazko olerkia. Wikipediatik informazioa lortu