Resultados de procura - Molina, Tirso de

Tirso de Molina

Frei Gabriel José López y Téllez, nado en Madrid o 24 de marzo de 1579 e finado en Almazán contra o 20 de febreiro de 1648, foi un relixioso mercedario español coñecido como Tirso de Molina, que destacou como dramaturgo, poeta e narrador.

Tirso de Molina destacou sobre todo como autor dramático. A súa dramaturxia abrangue principalmente a comedia de enredo, como ''Don Gil de las calzas verdes'', e obras haxiográficas como a triloxía de ''La Santa Juana'' ou ''La dama del olivar''. Atribúeselle a creación do mito de Don Juan en ''El burlador de Sevilla'', cuxa primeira versión puido ser de 1617, xunto coa obra ''Tan largo me lo fiais'', editada no século XVII a nome de Calderón e que parte da crítica atribúe a Andrés de Claramonte (outro sector da crítica considérana unha versión emparentada cun arquetipo común escrito por Tirso entre 1612 e 1625). Tirso foi o primeiro autor que deu fondura psicolóxica ás personaxes femininas, que chegaron a ser protagonistas das súas obras literarias. proporcionado por Wikipedia