Bilaketaren emaitzak - Iacocca, Lee.

Lee Iacocca

Lee Iacocca (Allentown, Pennsylvania, 1924ko urriaren 15a - Bel Air, Los Angeles, Kalifornia, 2019ko uztailaren 2a) estatubatuar enpresaburua izan zen.

Ingeniaritza industriala ikasi zuen Princetonen. 1946an, ingeniari gisa hasi zen lanean Ford Motor konpainian, eta, lan batzuetan eta besteetan aritu ondoren, 1960an enpresaren lehendakariorde eta zuzendari nagusi egin zuten. 1964an, ''Mustang'' modeloa kaleratu zuen, eta izugarrizko arrakasta izan zuen. 1970ean, Ford enpresaren lehendakari izendatu zuten. 1978an, kargutik kendu zuten, Henry Ford II.arekin zituen desadostasunen ondorioz. Orduan, Chrysler Corporationen lehendakari eta zuzendari exekutibo izendatu zuten. Enpresa oso egoera larrian zegoen, baina Iacoccak gobernuaren laguntza lortu zuen, eta aurrera atera zuen. 1984an diseinatu zuen monobolumena Estatu Batuetan inoiz gehien saldu den ibilgailua izan da. Wikipediatik informazioa lortu