Torthaí cuardaigh - Gautier, Théophile.

Théophile Gautier

File, úrscéalaí agus léirmheastóir ealaíne ab ea Théophile Gautier. Rugadh é i dTarbes, baile atá suite in iardheisceart na Fraince, ar 30 Lúnasa 1811 agus fuair sé bás i Neuilly-sur-Seine, gar do Pháras, ar 23 Dheireadh Fómhair 1872.

Cé gur i dTarbes a rugadh é, is i bPáras a chaith Théophile Gautier formhór a shaoil agus meastar gur scríbhneoir Párasach ab ea é.

Chuir Gautier aithne ar Ghérard Labrunie, fear a bhainfeadh clú agus cáil amach níos déanaí fén ainm Gérard de Nerval, nuair a bhíodar beirt ina ngarsún scoile. Théidís ar an scoil chéanna, an lycée Charlemagne.

Scríbhneoir bisiúil ab ea Gautier: Fara úrscéalta ar nós ''Mademoiselle de Maupin'' (1835), ''Le Roman de la momie'' (1858) nó ''Le Capitaine Fracasse'' (1863). Scríobh sé cnuasaigh filíochta - is é ''Émaux et camées'' (1852) an cnuasach filíochta is cáiliúla dá chuid -, breis is deich ngearrscéalta is fichead, agus neart léirmheasanna ar an ealaíon agus ar an gceol leis. Arna chur ar fáil ag Vicipéid