Torthaí cuardaigh - Galbraith, John Kenneth

John Kenneth Galbraith

Eacnamaí mór le rá as Meiriceá ab ea John Kenneth Galbraith (15 Deireadh Fómhair 1908 – 29 Aibreán 2006). Ba as Ceanada dó ó dhúchas, ach fuair sé a chuid oiliúna in Ollscoil Berkeley, agus chaith sé a shaol ag obair sna Stáit Aontaithe.

Thuill a leabhar ''The Affluent Society'' an-cháil dó nuair a foilsíodh é i 1958 tar éis dó deich mbliana a chaitheamh ag obair in Ollscoil Harvard. Léirigh sé sa leabhar conas gur éirigh na Stáit Aontaithe saibhir san earnáil phríobháideach ach gur fhan siad bocht san earnáil phoiblí.

Chaith Galbraith tréimhsí ag obair le ceathrar uachtarán, Franklin D. Roosevelt, Harry S. Truman, John F. Kennedy agus Lyndon B. Johnson. Chaith sé cúpla bliain ina ambasadóir san India, 1961–63. Arna chur ar fáil ag Vicipéid