Canlyniadau Chwilio - Douglass, Frederick

Frederick Douglass

Diwygiwr cymdeithasol, diddymwr, areithiwr, ysgrifennwr, a gwladweinydd Americaidd oedd Frederick Douglass (ganwyd Frederick Augustus Washington Bailey; tua Chwefror 1818 – 20 Chwefror 1895). Ar ôl dianc o gaethwasiaeth yn nhalaith Maryland yn 1838, daeth yn arweinydd cenedlaethol y mudiad diddymu ym Massachusetts ac Efrog Newydd. Roedd yn enwog am ei areithiau a ysgrifau gwrth-gaethwasiaeth.

Ysgrifennodd Douglass sawl hunangofiant, gan ddisgrifio ei brofiadau fel caethwas yn ei ''Narrative of the Life of Frederick Douglass, an American Slave'' (1845), a werthodd lawer o gopïau, ac a oedd yn ddylanwadol wrth hyrwyddo achos diddymu. Felly hefyd ei ail lyfr, ''My Bondage and My Freedom'' (1855). Mae ei hunangofiant olaf, ''Life and Times of Frederick Douglass'' (1881), yn ymdrin â digwyddiadau yn ystod y Rhyfel Cartref ac wedyn.

Roedd Douglass hefyd yn cefnogi pleidlais menywod yn weithredol, ac yn dal sawl swydd gyhoeddus. Daeth y person Affricanaidd-Americanaidd cyntaf i gael ei enwebu ar gyfer Is-lywydd yr Unol Daleithiau fel cyfaill-gwaith (running mate) Victoria Woodhull ar docyn Plaid Hawliau Cyfartal yn 1872. Darparwyd gan Wikipedia