Resultados de procura - Castro, Guillén de 1569-1631

Guillén de Castro

Guillén de Castro y Bellvís , nado en Valencia o 4 de novembro de 1569 e finado en Madrid o 28 de xullo de 1631, en valenciano escrito ''Guillem de Castro'', foi un dramaturgo considerado o máis importante da escola valenciana de finais do século XVI e un dos máis destacados da nova comedia lopesca, desenvolvida a partir da irrupción no teatro de Lope de Vega.

Contando as súas comedias publicadas —un total de 26— e as que se lle poden atribuír, consérvanse ao redor de 35 obras dramáticas deste autor. A súa fama débese principalmente á súa obra ''Las mocedades del Cid'' (escrita entre 1605 e 1615), baseada no ciclo de romances cidianos, que foi imitada por Pierre Corneille en ''Le Cid'' (1636). proporcionado por Wikipedia