Bilaketaren emaitzak - Byron, Lord

Lord Byron

George Gordon Byron FRS (Londres, 1788ko urtarrilaren 22a – Missolonghi, Grezia, 1824ko apirilaren 19a), Byrongo seigarren baroia, Lord Byron izenez ezaguna, ingeles politikari eta poeta bat izan zen,erromantizismoko idazle moldakor eta garrantzitsuenetako bat. Beraren lanik ezagunenak dira ''Childe Harold's Pilgrimage'' eta ''Don Juan'' poema narratiboak, azken hori osatu gabe geratu zen hil zenean. Ada Lovelace matematikari eta programazio informatikoaren aitzindariaren aita izan zen.

Lord Byronen ospea ez zen eratu soilik bere obraren inguruan, baizik ere, aldi berean, bitxikeriaz eta eskandaluz beteriko bizitza bat eraman zuelako, maitale, zor, banantze, eta intzestu edo sodomia salaketaz betea. Gehien nabarmentzen diren gertakarien artean, Italian eta Grezian iraultzetan izandako parte hartze pertsonala dago. Greziako Independentzia Gerran parte hartu zuen, greziarrekin batera borrokatuz, eta herrialde hartan hil zen, ustez malariaz.

Caroline Lamb eleberrigile eta Byronen maitaleak berari buruz idatzi zuen: «Eroa, gaiztoa, eta arriskutsua hura ezagutzea». thumb|Byronek bere abokatu eta agente John Hansoni eskuz idatzitako gutun bat (Fondazione BEIC).|ezkerrera Wikipediatik informazioa lortu