Bilaketaren emaitzak - Bioy Casares, Adolfo

Adolfo Bioy Casares

Adolfo Bioy Casares (Buenos Aires, 1914ko irailaren 15a - Buenos Aires, 1999ko martxoaren 8a) argentinar kazetari, itzultzaile eta idazlea izan zen. 1990ean Miguel de Cervantes saria jaso zuen.

Aitak bultzatuta, gaztetatik hasi zen idazten, irudimenez beteriko lanak edo polizia-gaiak zituzten lanak batez ere. Jorge Luis Borgesen laguna eta lankidea izan zen. Aurrez beste sei lan idatzi bazituen ere, ''La invención de Morel'' hartzen du idazleak berak bere lehen lan gisa. Bere lanetan eguneroko bizitza islatzen du irudimen handiz beti. Umoretsuak eta hizkuntza arruntean idatziak dira gehienak. Argentinako kontalarien arteko onenetakoa dela esaten da, Borges eta Julio Cortázarrekin batera. Hark idatzitako lan batzuk ''El héroe de las mujeres'', ''Historias fantásticas'' eta ''El sueño de los héroes'' dira. 1996an argitaratu zuen Argentinan azken lana, ''En viaje''. Lan horretan, Silvina Ocampo, bere emazte hilari, egileak 1967an Europara egin zuen bidaia bat kontatzen dio. Wikipediatik informazioa lortu