Amado Alonso García (Lerin, Nafarroa, - Arlington, Massachusetts, ) nafar literatura-kritikari eta hizkuntzalaria izan zen. Ramón Menéndez Pidalekin ikasi zuen Madrilgo Unibertsitatean. Alemanian espezializazio-ikasketak egin zituen. Gero, Buenos Airesko Unibertsitatean, Filologia Institutuko zuzendaria izan zen, hamabi urtez (1927-1939). Handik, Estatu Batuetara aldatu zen, Kalifornia, Illinois, Columbia eta Harvard Unibertsitateetan irakatsiz. Filologia eta dialektologiako ikerketak literatura-kritikaren inguruan egindakoekin aldizkatu zituen. Aurreneko sailekoak dira: ''Problemas de dialectología hispanoamericana'' (1930), ''El problema de la lengua en América'' (1935), ''El castellano, idioma nacional'' (1943) eta abar. Bigarren sailean, estilistikari dagozkionak aurkitzen dira, A. Alonso gai horren aitzindaria izan baitzen Espainian: ''Poesía y estilo de Pablo Neruda'' (1940), ''Materia y forma en poesía'' (1955) eta abar. Bestalde, fonetika historikoaren alorreko tratatu bat utzi zuen: ''De la pronunciación medieval a la moderna en español'' (1955). Zenbait aldizkariren zuzendari ere izan zen: ''Revista de filología hispánica'' (1939-1946), ''Nueva revista de filología hispánica'' (1947tik aurrera).
Wikipediatik informazioa lortu
